Trout Fishing ٹراؤٹ مچھلیاں

ماہی گیری نہ صرف میرا شوق ہے بلکہ اس کی ایک تاریخی اہمیت بھی ہے، خاص طور پر چترال میں ٹراؤٹ مچھلیوں کی موجودگی۔ دلچسپ بات یہ ہے کہ چترال میں ٹراؤٹ مچھلیاں قدرتی طور پر نہیں پائی جاتی تھیں۔ 1900 کی دہائی کے اوائل میں برطانوی حکمرانوں نے ٹراؤٹ مچھلیوں کو چترال کے صاف اور ٹھنڈے پانیوں میں متعارف کروایا۔

اس منصوبے کا مقصد علاقے میں ماہی گیری کو فروغ دینا اور مقامی باشندوں کو مچھلیوں کی افزائش کے نئے طریقے سکھانا تھا۔ برطانوی ماہرین نے چترال کے مختلف دریاؤں اور ندیوں میں ٹراؤٹ مچھلیاں چھوڑیں، اور اس کے بعد یہ مچھلیاں چترال کے دریاؤں اور جھیلوں میں پھلنے پھولنے لگیں۔ خاص طور پر گولین اور گرم چشمہ کے علاقے ان مچھلیوں کے لیے موزوں ٹھہرے اور یہیں پر انہوں نے افزائش شروع کی۔

آج، چترال کے دریا اور ندی نالے ٹراؤٹ ماہی گیری کے لیے مشہور ہیں، اور شوقین ماہی گیر یہاں آکر ان کا شکار کرنے کے لیے دور دراز سے آتے ہیں۔ برطانوی دور میں شروع کی گئی یہ مہم آج تک جاری ہے اور چترال کی خوبصورتی اور ٹھنڈے پانیوں میں ٹراؤٹ مچھلی کا شکار ایک منفرد تجربہ ہے۔

میرے لیے بھی یہ تاریخ بہت خاص ہے، کیونکہ بچپن میں میرے والد اور چچا برق احمد نے مجھے گولین میں مچھلیاں پکڑنے کی تربیت دی۔ ہر سال اپریل اور مئی میں ماہی گیری کے لیے جانا اب ایک روایتی سرگرمی بن چکی ہے، اور اس سال کی خاص بات یہ تھی کہ میں نے ایک 17 انچ لمبی ٹراؤٹ پکڑی، جو شاید میرے ماہی گیری کے سفر کی سب سے بڑی مچھلیوں میں سے ایک تھی۔

Trout